༈ དྲ་བ་འདིར་གཟིགས་པར་ཧི་མ་ལ་ཡ་བོད་ཡིག་གི་ཡིག་གཟུགས་དང་ Internet Explorer 7 ཡན་སྤྱོད་རོགས་གནང་།
སེང་རྡོར་ཟེར་བ་ཞིག་ལ་ཕུལ་བ།
སྒོ་རབ་རྒྱས། 13-03-15 འབྲུ་ཚད། [ ཆེ། འབྲིང་། ཆུང་། ] ཀློག་གྲངས། []

སེང་རྡོར་ཟེར་བ་ཞིག་ལ་ཕུལ་བ། 
ཉེ་སྔོན་ནས་བཟུང་སྟེ་རྩོམ་པ་པོའི་མིང་གསལ་མི་གསལ་མང་པོ་ཞིག་གིས་སྐད་འཕྲིན་དང་དགེ་ཆོས་དྲ་བ་སོགས་ཀྱི་སྟེང་སེང་རྡོར་ཟེར་བ་དེ་ཡི་ཤུ་བ་ཡིན་ཚུལ་སོགས་ལས་འཕྲོས་ཏེ་ཧ་ལས་པའི་གསང་བ་མང་པོ་ཞིག་གཅིག་རྗེས་གཉིས་མཐུད་སྒོས་ཀློག་པ་པོ་དག་གི་སྤྱན་ལམ་དུ་བསྟར་བྱུང་ལ།གནས་ཚུལ་དེ་ལས་འཕྲོས་པའི་གླེང་སློང་ཡང་མི་ཉུང་བ་ཞིག་བཟོས་ཡོད་འདུག གནས་ཚུལ་དེ་ནི་རླུང་ནག་འཚུབ་མ་ཞིག་དང་འདྲ་བར་གཡུགས་ཐེངས་གཅིག་གིས་གཡོ་སྒྱུ་ལ་བརྟེན་ནས་རྙེད་པའི་སེང་རྡོར་གྱི་བདེ་བ་དང་རྨི་ལམ་ཕྲན་བུ་དེ་ཡང་ཡོངས་སུ་མེད་བརླག་ཏུ་བཏང་ཟིན་པ་འདྲ་ལ། གཟུགས་མེད་ཀྱི་སྤུ་གྲི་ཞིག་དང་མཚུངས་པར་ཁོའི་སྙིང་འགོར་ཡང་ཡང་གཙགས་ཏེ་སེམས་ལ་རྨ་ཁ་ཆེན་པོ་ཞིག་བཟོས་ཡོད་ཚོད། དེ་ཡང་ཁག་མི་འདུག་སྟེ། ཁོས་ད་བར་དུ་རང་གིས་མི་ལས་དགུ་ལས་བྱས་མྱོང་བའི་གནས་ཚུལ་དག་གསང་རྒྱ་དམ་པོ་བྱས་ཏེ་དཀའ་ལས་མང་པོ་མྱངས་པའི་ནོར་བུ་དེ་གློ་རྡེག་ལ་བོད་མི་དག་གི་རྣ་དང་མིག་ལམ་དུ་མངོན་པས་འཚུབ་ཆ་ལང་ངེས་རེད་ལ། སུ་ཞིག་གིས་གསང་བ་དག་བརྟོལ་མི་ཡོང་ངམ་སྙམ་པའི་ཐེ་ཚོམ་དང་ཞེད་སྣང་དེས་མནར་གཅོད་ཇི་འདྲའི་མང་པོ་ཞིག་བཏང་དང་གཏོང་བཞིན་པ་ནི་བཟོད་ནུས་པ་ཞིག་མ་ཡིན་པའི་ཁར། སྟབས་མ་ལེགས་པར་རྒྱ་མཚོའི་ཕར་ཚུར་གཉིས་ཀྱི་བར་སྣང་དུ་འབྲུག་སྒྲ་བཞིན་གྲགས་པས་ཁོར་ཅི་བཤད་འདི་བཤད་མེད་པར་རང་ཉིད་དཀར་པོ་དང་རེ་རྐང་གླིང་དང་ངེད་གཉིས་ནག་པོ་བཟོ་འདོད་ཀྱི་ཧམ་སེམས་དྲག་པོས་ཉེས་པ་ཡོད་ཚད་ངེད་གཉིས་ཀྱི་མགོར་འཕེན་པ་ནི་བྱིས་པའི་འཁྲབ་སྟོན་ཞིག་ཏུ་ངེས་པས་ཁ་ཡ་བྱེད་དོན་མེད་མོད། བདེན་པ་འདི་ངོ་མ་སྤྲད་ན་ལ་ལར་གོ་ནོར་ཐེབས་པ་སོགས་མི་འགྲིག་ས་ཡང་ཡོད་ངེས་པས་ཡི་གེ་འདི་དག་གཏག་དགོས་བྱུང་། སེང་རྡོར་གྱིས་རེ་རྐང་གླིང་ལ་ཁྱོད་ཀྱིས་འབྲི་རྩལ་ཐད་ནས་ངའི་དོ་ཟླ་མི་ཡོང་མདོག་མདོག་གི་སྐད་ཆ་སྐྱིད་པོ་བཤད་པར་བལྟས་ན། སེང་རྡོར་ནི་མཁས་ཆེན་ཞིག་དང་རྐང་གླིང་ནི་ཡིག་ངོ་ཙམ་ཡང་མི་ཆོད་པའི་བྱིས་པ་ཞིག་ལོས་ཡིན་སྙམ་པ་རེ་བྲིས་འདུག་པས་སེམས་གཏིང་ནས་དགོད་རྒྱུ་ཞིག་ཐོན་མོད། རང་ངོ་མི་ཟིན་པའི་མི་ཞིག་ལ་བདེན་པ་བརྡར་རྒྱུ་ནི་གླེན་རྟགས་རང་ཡིན་པས་ཅང་མི་བཤད། སེང་རྡོར་གྱིས་བཤད་ན། རེབ་འདིའི་གླེང་སློང་བཟོ་མཁན་ང་དང་རྐང་གླིང་གཉིས་ཡིན་ཚུལ་བཤད་པར་བལྟས་ན། བརྙན་འཕྲིན་ཁང་གཞན་ཞིག་གི་(ཀུན་གླེང་)ལེ་ཚན་ནང་བགྲོ་གླེང་བྱེད་མཁན་ནི་ངེད་གཉིས་ཡིན་པ་འདྲ་ལ། དབྱིན་ཡུལ་གྱི་ཚགས་པར་སོགས་ཀྱི་སྟེང་དབྱིན་ཡིག་གིས་སྤེལ་བའི་གནས་ཚུལ་དེ་དང་། བོང་རྫིའི་ལྗིད་ཁོག་ཅན་གྱི་རྩོམ་ཡིག་སོགས་ཀྱང་ངེད་གཉིས་ཡིན་པ་འདྲ་བས་ཐག་བཅད་པ་ཅུང་སྔ་སོང་བ་མ་རེད་དམ། བརྒྱུད་འགོད་བྱས་པ་ཙམ་གྱིས་ཉེས་པ་དེ་འཁུར་དགོས་ན་མདང་ཁ་པར་བརྒྱུད་ནས་བཤད་པ་ལྟར་གླེང་ས་ཞིག་ནས་རེ་རེ་བཞིན་གླེང་ཤིང་བརྡར་ཏེ་ཐག་བཅད་ཆོག། དེ་མིན་བདག་གིས་འཛམ་གླིང་མཁས་པ་ཞེས་པའི་མིང་སྤྱད་དེ་བོང་རྫིར་དཔྱད་ལན་འབྲི་རེས་བྱས་པ་དེ་ནི་ཇི་འདྲའི་མ་རུང་བའི་ལས་ཤིག་ཡིན་པ་ལྟར་གླེང་སྟེ་རང་གི་བྱས་ཉེས་སྒྲིབ་བྱེད་དུ་གླེང་བ་ནི་ཨུ་ཐུག་པའི་བགྱི་བ་རང་ཡིན་པས་བདག་ལ་མི་གནོད་ལ། དེ་དག་ཉར་ཚགས་བྱས་ཡོད་ན་ཕྱིར་མངོན་དང་ཕན་ཚུན་བསྡུར་ནས་བལྟའོ། དེ་དུས་ང་ལ་ཉེས་འགེལ་བྱས་ཡོད་པ་དག་རེ་རེ་བཞིན་བརྟོལ་འོང་དུས། འགྱོད་བཤགས་ཙམ་གྱིས་མི་ཆོག་པའི་གནད་ཀའང་ཤེས་དགོས་སོ། དཔྱད་མཆན་སྐོར་གླེང་དགོས་ན། ཧི་ཟིན་སྟེང་ཁྱེད་ཀྱིས་འཁྲབ་སྟོན་བྱས་པ་དག་ཀྱང་གླེང་དགོས་པས་ལྟད་མོ་ངོ་མ་བོ་རྗེས་ན་ཡོད། ཁོ་བོས་ཁ་སང་ཕྱི་དྲོ་བར་དུ་ཉིད་ཀྱི་ཡི་གེ་དེ་དག་མ་མཐོང་ལ། དེ་ཡང་གྲོགས་པོ་ཞིག་གིས་དེ་ལྟ་བུ་ཞིག་བྲིས་འདུག་ཅེས་བཤད་མེད་ན་ངས་དེ་རིང་ཡང་མཐོང་ཡོད་རྒྱུ་མ་རེད། ངས་དེ་ལྟ་བུ་ཞིག་བྲི་རྒྱུ་ཡིན་ཚུལ་བཤད་དུས། བདག་གི་གྲོགས་པོ་མང་པོ་ཞིག་གིས་མི་ཆོ་མེད་འདིའི་རིགས་ཀྱི་ཁ་སློང་ནས་ཅི་བྱེད་ཟེར་བྱུང་། གང་ལྟར་གནས་ཚུལ་འདིའི་རིགས་ནི་སྐད་ཆ་བཤད་ནས་ཚར་རྒྱུ་ཡོད་པ་ཞིག་དང་། བྲིས་ཏེ་ཐག་བཅད་ཆོག་པ་ཞིག་ནི་མ་ཡིན་པས་ཐུག་ས་ནས་ཐུག་སྟེ་གླེང་ས་ནས་གླེང་ཆོག་པ་ཡིན། ཤེས་དགོས་པ་ཞིག་ལ། ཁྱེད་ཀྱིས་མགོ་ལོག་པ་འཇིགས་བྱེད་ཚེ་རིང་ལ་བརྙས་བཅོས་བྱེད་པ་བཞིན་ང་དང་རྐང་གླིང་གཉིས་ལའང་དེ་ལྟར་བྱེད་བསམ་པ་ནི་ནོར་བ་ཚབས་ཆེན་རང་ཡིན་པས་ཤེས་དགོས་སོ།
བདག་གིས་ཁྱེད་ལ་ཕོག་ཐུག་བཟོས་པས་ང་རང་འདུག་ས་འགྲོ་ས་མེད་པ་ལྟ་བུའི་གནས་སུ་གྱུར་བ་དང་།ཐབས་ཟད་དེ་སེང་དྲ་ལས་བུད་པ་འདྲ་ཞིག་བཤད་ཁུལ་བགྱིས་འདུག་མོད། ཉིད་ཀྱིས་ལོ་སྔོན་མ་ཞིག་ལ་ཅིག་ཅིག་ཅིག་རྒྱང་དུ་སྤྱུག་ཚུལ་དང་། ཉིག་ཉིག་ཉིག་ལ་ཟླ་གནང་སྟེར་ཚུལ་སོགས་བཤད་པ་ལྟར་ང་ཡང་རྒྱང་དུ་སྤྱུག་པ་ཡིན་ཚུལ་མི་བཤད་པའི་ངེས་པ་མེད་སྙམ་ནས། སེང་དྲའི་སྟེང་གསལ་བརྡ་དེ་སྤེལ་བ་ཡིན་ལ། ཉིད་ཀྱིས་བསུབ་མ་ཐག་མཚོ་སྔོན་པོའི་ཟིན་བྲིས་སྟེང་སྤེལ་བ་ཡིན་པས་ཉིད་ཀྱི་སྐད་ཆའི་ཕུགས་བརྟོལ་ཡོད་པ་མ་རེད་དམ།
 
 

གསལ་བཤད། སྤྱིར་སློབ་སྦྱོང་བྱེད་མཁན་ཞིག་ལ་མཚོན་ན་ཕན་ཚུན་དབར་སྡིགས་རེས་དམོད་རེས་བྱེད་པ་ནི་ཆེས་མི་ལེགས་པ་ཞིག་ཡིན་མོད། རྐྱེན་དབང་གིས་སྐད་ཆ་འདི་མི་བཤད་ཐུ་མེད་དུ་གྱུར་བས་རྣམ་པ་ཚོར་དགོངས་དག་ཞུའོ། །
[རྩོམ་གྱི་ཡོང་ཁུངས། ངེད་དྲ་བ།] འབྲུ་ཚད། [ ཆེ། འབྲིང་། ཆུང་། ] [ ཁ་བསུམ། ]

དཔྱད་གཏམ།

དཔྱད་གཏམ་སྤེལ་བ།
པར་དབང་ཡོད་ཚད་དགེ་འདུན་ཆོས་འཕེལ་དྲ་བར་དབང་བས་ཆོག་མཆན་མ་ཐོབ་པར་བརྒྱུད་འགོད་རིགས་བྱེད་མི་ཆོག
Copyright Gdqpzhx.com All rights reserved E-mail:sndz009@163.com
འབྲེལ་གཏུགས་བྱེད་ས། ཁ་པར། 13897135275 QQ:349868953 Tibetitw.coM  

青ICP备08000035号