ཉེ་ལམ་བོད་མིའི་རིག་གནས་དྲ་བའི་པོད་ཁུག་ཏུ་༼སྙན་ངག་པའི་ལྷ་ཡུལ༽http://penpatashi.tibetcul.com/107391.htmlཞེས་པའི་སྒེར་གྱི་པོད་ཁུག་ཅིག་ཏུ་བོད་ཀྱི་སྙན་ངག་པ་སོགས་བོད་ཁུལ་གྱི་མགོ་སྐོར་མཁན་བཅུ་ཐམ་པར་བགྲངས་འདུག་པ།    དེ་དག་ལས་བོད་ཀྱི་སྙན་ངག་པ་དག་གིས་ནི་ཚིག་ཚོགས་སྐྱུང་གིན་རང་གིས་ཀྱང་མི་གོ་བའི་སྙན་ངག་འབྲི་བ་དང་།  བོད་ཀྱི་དགེ་རྒན་ཆེན་མོ་དག་གིས་ཟླ་ཕོག་ལེན་བཞིན་རང་གི་བསླབ་གཞི་ཁྲིད་པ་ཙམ་ལས་གཞན་གང་ཡང་མི་ཤེས་པ་དང་།  བོད་ཀྱི་ཞིབ་འཇུག་སློབ་མ་དག་གིས་གཞན་རྩོམ་བརྐུ་ཞུ་ཡིས་མཐར་ཕྱིན་འཛིན་ཡིག་ཁོ་ནར་ཞིབ་འཇུག་བྱེད་ཀྱིན་ཡོད་པ།  དེ་བཞིན་བོད་ཀྱི་གྲྭ་བ་དག་ནི་འཚོ་གནས་ཁོ་ནའི་ཆེད་དུ་རབ་ཏུ་བྱུང་གིན་ཡོད་ལ་དགོན་པ་དེ་མགྲོན་ཁང་ཞིག་གི་འདུ་ཤེས་འཛིན་གྱིན་ཡོད་པ་སོགས་གོ་རྒྱུ་ཅན་གྱི་ཟིན་བྲིས་ཤིག་སྤེལ་ཡོད་པར་བལྟ་རྒྱུ་དང་བསམ་རྒྱུ།   བཤད་རྒྱུ་ཡོད་བསམ་གྱིས་འདི་གར་ཆེད་དུ་འོས་སྦྱོར་བྱས་པ་ཡིན།

དེ་དག་རེ་རེ་ནི།

དང་པོ།       བོད་ཀྱི་སྙན་ངག་པ། 

གཉིས་པ།    བོད་ཀྱི་དགེ་རྒན་ཆེན་མོ།

གསུམ་པ།   བོད་ཀྱི་ཞིབ་འཇུག་སློབ་མ།

བཞི་བ།      བོད་ཀྱི་རྩོམ་སྒྲིག་པ།

ལྔ་བ།         བོད་ཀྱི་གྲྭ་བ།

དྲུག་པ།      བོད་ཀྱི་ལོ་རྒྱུས་མཁས་པ།

བདུན་པ།    བོད་ཀྱི་མོ་བ།

བརྒྱད་པ།    བོད་ཀྱི་བསམ་བློ་བ།

དགུ་བ།      བོད་ཀྱི་བོད་རིགས་པ་སྨྲ་བ།

བཅུ་བ།     བོད་ཀྱི་གནས་ཤན་པ།