བོད་ཀྱི་སྙན་ངག་པའི་མི་རབས་གསུམ་པའི་རྩོམ་རིག་བགྲོ་གླེང་ཚོགས་འདུ་སྐབས་བཞི་བ་དེ་སྤྱི་ལོ་2010ལོའི་ཟླ་7པའི་ཚེས་23ནས་26ཉིན་བར་མདོ་སྨད་གཅན་ཚ་ནས་འཚོགས། འདུ་ཚོགས་ལ་མི་རབས་གསུམ་པའི་སྙན་ངག་པ་རྨོག་རུ་ཤེས་རབ་རྡོ་རྗེ་སོགས་ཚོགས་མི་བཅུ་དང་གངས་ཞུན་སོགས་གདན་ཞུས་སྐུ་མགྲོན་དང་ཟུར་ཞུགས་པ་མི་སུམ་ཅུ་ལྷག་ཞུགས་ཡོད། ཚོགས་ཐོགས་ཏུ་སྙན་ངག་གྱེར་འདོན་དང་བགྲོ་གླེང་བྱས་པ་མ་ཟད། མི་རབས་གསུམ་པའི་སྙན་ངག་པ་ས་དཀྱིལ་ཚེ་བཀྲའི་ལྷུག་རྩོམ་སྙན་ངག་ལས་འཕྲོས་ཏེ་བོད་ཀྱི་ལྷུག་རྩོམ་སྙན་ངག་སྐོར་ལ་བགྲོ་གླེང་བྱས་ཤིང་། མི་རབས་གསུམ་པའི་སྙན་དེབ་དང་ཚགས་པར་སྐོར་ལ་ཁ་མིན་དོན་གྱིས་བསམ་བློ་བརྗེ་རེས་བྱས།
ཚོགས་འདུ་མཇུག་གྲོལ་ཁ་མར་མི་རབས་གསུམ་པའི་ཚོགས་མི་ཡོངས་དང་གདན་ཞུས་་སྐུ་མགྲོན་བཅས་གཅན་ཚའི་སྔོ་རྒྱ་འགག་ཆུ་གློག་ས་ཚིགས་དང་། ཁམས་ར་ནགས་ཁུལ། ཨ་ཆུང་གནམ་རྫོང་སོགས་སུ་གནས་སྐོར་ལ་སོང་སྟེ་བོད་ཀྱི་མཁས་པ་མི་གསུམ་སོགས་ལོ་རྒྱུས་མི་སྣ་དག་གི་གཞིས་སྒར་དངོས་ལ་མཇལ་ཁ་ཞུས་ཤིང་སྙན་ངག་གྱེར་འདོན་བྱས། ། 

ཚོགས་མི་ཡོངས་ཀྱི་མཉམ་པར།