རྟ་ཕོ་ཞིག་གི་འཕོངས་ཤའི་སྟེང་ན་ཡང
བ་སྤུ་འཛོར་བོ་ཞེ་དྲག་སྐྱེས་ཤིང
བ་སྤུའི་གསེབ་ན་སྦྲང་བུ་རེ་འགའ་ཡང་ཐོགས་ནས་འདུག་མོད
ལོ་འདི་འགར
ངའི་ཤེད་ཤུགས་རྩ་བ་ནས་ཆད་ཡོད་པའི་ཁར
མཛུབ་མོ་ལྔའི་སེན་མོ་ལ་ཡང་རྣོ་དབལ་ཉག་ཙམ་མི་འདུག་པས
སྟོབས་དང་ནུས་པ་ཞིག་ཕུད་ག་ལ་ནུས

ཞོགས་པ་སྔ་བོ་དག་ལ
ལྗིད་ཏིག་ཏིག་གིས་མགོ་བོ་དགྱེ་ཙམ་བྱས་ཏེ
ནོར་ལྷས་དང་ནོར་གྱི་འདོགས་ཐག
ཁྱི་གུ་དང་ཁྱི་གུའི་མལ་ས་དག་ལ་བལྟས་ཏེ
ཁ་དོག་ནག་པོ་ཡིན་པའི་དབུགས་རིང་སེམས་འགུ་བ་རེ་འཐེན་ནས
བསྐྱར་དུ་རང་གི་སེན་མོ་དང་མཛུབ་མོ་དག་བསམས་ཚེ
བློ་སྤོབས་ཤིག་ཡེ་ནས་བྲལ་ཅིང
ཡ་གར་དཔྱངས་པའི་ཁ་སྤུ་འདི་ཀོ་ཡང
ག་དུས་ཤིག་ལ་བདག་མེད་དུ་གྱུར་འགྲོ་བར་གཞིགས་ན
སྒེའུ་ཁུང་ལས་ཀྱང་སེན་མོ་མེད་པའི་ནམ་མཁའ་ཞིག་དྲལ་བར་ཤེས་འོང